Espainiako Atlas Eolikoa
Energia Dibertsifikatzeko eta Aurrezteko Institutuak, IDAE, erabiltzaileen eskura jarri du Espainiako Atlas Eolikoa, Meteosim Truewind enpresak garatua merkatuan dagoen punta-puntako teknologia erabiliz. Eta hori guztia bi helbururekin:
- Lehenengo eta behin, arlo eolikoarekin loturiko planifikazioak gauzatzerakoan administrazio publiko guztientzat euskarri izatea. Batez ere, Estatuaren Administrazio Orokorrak Espainiako potentzial eolikoa ebaluatzeko erabili ahal izango du etorkizunean egin ahal dituen Energia Berriztagarrien Planen aurretiko azterketa gisa.
- Bigarrenik, sektoreko eragileei eta erabiltzile orori tresna bat ematea herrialdearen edozein eremutan dauden baliabide eolikoen lehenengo ebaluaketa bat identifikatzeko eta aurrera eramateko aukera emango diona. Modu honetan, denbora galtze eta emankortasunik gabeko kostuak izatea ekidingo zaie etorkizunean proiektu eolikoen sustatzaile izan daitezkeenei, proiektu horien aldez aurreko fasean.
Espainiako Baliabide Eolikoaren Azterketa erabiltzailearen eskura dago libreki kontsultatu eta erabiltzeko, "Informazio Geografikoaren Sistema" batean nabigatzearen bitartez, eta honek mapan sortutako nodo bakoitzean dagoen baliabide eolikoa kalkulatzea ahalbidetuko du - 100 m-ko sare mikroeskalarraren bereizmenez-. IGS-ren funtzionaltasuna bultzatu da interesezko informazio osagarria gehituz: kartografikoa eta topografikoa, dauden ingurugiro eragileak, itsas zonakatzea, etab. Halaber, aplikazioak nabigazio gailu intuitiboak dauzka erabiltzaileari tresna erabiltzea errazagoa izan dakion. Atal espezifiko batean erabiltzaileak mapa eoliko ezberdinak deskarga ditzake PDF formatuan, bai Espainia osoko mapa keta baita Autonomia Erkidego eta Hiri Autonomo bakoitzeko mapak ere.
RSS© IDAE Energia Dibertsifikatzeko eta Aurrezteko Institutua.
C/Madera, 8 - 28004 Madrid - Tel. 91 456 49 00
